VI Ondare Saria

Gipuzkoako Kultura Ondarearen Zuzendaritza Nagusiak bere ondarea ezagutu, babestu eta zabaldu nahi du, babesten eta sustatzen dutenei lagunduz.

Horretarako, kultura-ondareari laguntzen dioten erakundeak eta pertsonak ikertu, hedatu eta aintzatesteko lana nabarmentzen da. Esparru horretan, Gipuzkoako Foru Aldundiak, Kultura, Lankidetza, Gazteria eta Kirol Departamentuaren bitartez, lehiaketak eta sariak bultzatzen ditu, hala nola Ondare Saria, Gipuzkoako kultur ondarearen alde egindako lana publikoki aitortzen duena.

Sari honen helburua Gipuzkoako kultur ondarearen kontserbazioan eta sustapenean lan egiten dutenentzat gizartearen aintzatespena sustatzea eta inspirazio iturri izatea da.